Till innehåll på sidan

Romani kalderaš

SCB:s buči  

Statistikmyndigheten SCB si len obligatcija po officialno statistika aj kaver foroske statistika. Ame lašaras te buflol, te las angle aj te hulavas avri statistika.  Ame vi lašaras jekh systemo karing Švedoko officialno statistika.

Amaro pervo buči si te haznin le manuš aj klientori po dikhimos pe statistika karing manuš kaj purončin, debatto aj po rodejimos. Godo keras anglunes kana o foro vaj kaver foroske raj kamen. Numa si klientori ande privatno buči aj vi kaver kaj keren rodejimata.

SCB roden te aven vestome ande lumja te roden aj te keren šukar buči pe informatcija pe statistika. Ame keras godo aj las azutimos khatar buflo metodako kompetenso, buflo zanglimos, moderno teknika pe jekh lesni fjalo.  

E statistika či len rig, relevanto aj si len lashi kvaliteto. Aj si vazdino pe lasho zanglimako profundo. Ame keras buči te vušoril pe tuke kaj mukhes informatcija aj vi garavas sa so rodas te na hulel avri godo kaj či trubol. Ame keras buči kavrensa te buflol o zanglimos po systemo pe statistika, vi nationalno aj internatioalno levelo.  

SCB:s strategia

Statistika si vazno khotor ande demokratcija.  SCB dikhen te avel lasho pe adzes aj vi tehara te avel vorta e statistika pe analysa, debatto aj kana purončin. Ame las angle kana godi jekh strategia kaj si pe pherdo bersh ande amari buči. 

Čiro adveto si vazno

Avela tue jekh lil amendar? Vaj či vazdan o telefono kana mardam tuke? Atunči si ke ame kamas tu te aves andre ande jekh rodejimos.

Ame butivar maras telefono po 010-479 52 00. Bolde palpale amenge telefono aj phenas maj dur so si o rodejimos.

Čiro adveto si vazno amenge karing o khetanimos aj e demokratcija. Sa pala čiro adveto biril o SCB te len angle statistika pe lashi kvaliteto, kaj univar si o profundo pe politika so von phenen.

Tu kaj san andre ando rodejimos keres te kerdol vorta – sode maj but manuš dine adveto inke maj lasho kherdol. Svako alojime manuš si vazno, vi te san terno vaj phuro, sasto vaj nasvalo, te keresa buči vaj niči. Čiro adveto naštinas te paruvaves les avri kavresa.

Kana tu san alojime ando rodejimos phenen tuke

  • Sostar si čiro adveto koshi
  • Sar site haznin o resultato
  • Sostar keren o rodejimos
  • Naj mušaj te keres la
  • Sar len andre e informatcija aj so keren lasa
  • E informatcija pa tute si garado pala o zakono po sekretesso
  • Kasa te les kontakto te kamesa maj but informatcija 

Le intervjuori univar cirden andre

Le intervjuori univar cirden len andre aj maladol pe ke jekh kollega ashunel kana si o intervjuo. Sostar keras godo vi te šaj keras inke maj lashi buči kana keras intervjuori.  

Godo so cirde andre len avri pala štar kurke aj si garado pala o offentligo- aj sekretess zakono aj vi pala EU:s zakono te garaves po data (dataskyddsförordning). Informatcija pa manuš aj lovengi informatcija si garado po sekretesso aj sa le bučarne kaj keren o rodejimos naj lenge slobodo te den avri.   

Sar keras pa manušeski informatcija

Dataskyddsförordningen (GDPR) si te las sama aj te garavas amaro profundosko čačimos aj liberta, inke maj but amaro čačimos te las sama aj kontolla opral pa amare manušeski informatcija.

Kaj SCB si o GDPR barol e obligatcija pe amari buči sar keras pe manušeski informatcija aj sar ame das avri informatcija. Ame keras buči pe sa le manušeski informatcija sar ramol ando zakono sar te garaves (dataskyddslagstiftning).

So si manušeski informatcija?

Pala GDPR si manušeski informatcija sa e informatcija kaj šaj phanden ande jekh than kaj jekh trajime manuš. Normalno manušeski informatcija si kana arakhadilan, anav aj adreso. Vi informatcija kaj si krypterado aj pherdo fjalori elektonisko identiteto gindol sar manušeski informatcija kana biris te phandes godo kaj jekh manuš.  

Vi te line tele e informatcija po identiteto, sa gadya gindol te si manušeski informatcija te birisa te phandes azutimasa kaver informatcija kaj jekh manuš.

Obligatcija pe manušeski informatcija

SCB si len jek bucarno kaj si les obligatcija pe manušeski informatcija kana dikhen opral pa manušeski informatcija. Ame šaj avas vi manušeski informatcijko bucarno kana las angle statistika kaj jekh kaver kaj si les obligatcija kana len angle statistika karing le foroske raj. Amoro organistcijako nummero si 202100-0837 aj o adreso si Klostergatan 23, 701 89 Örebro.

So si e buči?

Buči pa manušeski informatcija si ando principo sa so šaj keres mit e informatcija. Ame šaj rodas, registratcija, garavas, dikhimos opral kaver zene vaj te ramonas avri jekh lil. Ame keras buči pa manušeski informatcija kana las angle statistika, vi kana las tusa kontakto.

Save manušeski informatcija keras ame buči tusa?

SCB keren buči kana len angle čiro anav aj e-pošta.

Sostar keras godo?

Ame čidas andre manušeski informatcija khatar webrig, sar eksemplo:

  • Puterde pušimata
  • Prenumatcija po nevimasko lil
  • Kana mangen mikrodata.

Čiri manušeski informatcija keras buči ferdi te las tusa kontakto. Na bister ferdi te des avri informatcija pe godo so pušas.

Kon šaj dikhel čiri manušeski informatcija?

Čiri manušeski informatcija kaj keras buči, ferdi ame dikhas la. Univar si ke hulaven kaj kaver zene kaj keren buči pa manušeski informatcija kana ame phenas lenge.

SCB si foroske raj aj keras buči pala o offentligo principo. Godo si ke sa le rama kaj SCB, inklusivno manušeski informatcija biril te avel puterde rama kaj godo zeno kaj kamen te dikhen le rama.

Trito them te dikhen manušeski informatcija

Ame ferdi keras buči sar zakono pa čiri manušeski informatcija ando EU/EES.

Sode vramja garavas manušeski informatcija?

Ame či keras buči tela lungo vramja pa čiro manušeski informatcija ferdi sode mukhel o zakono, so phenede vaj te si jekh ram khatar foroske raj.

Čiro čačimos

Tute si čačimos pala GDPR. Ando skurto divano si ke tu  

  • Tu šaj les informatcija kana aj sar keren buči pa čiro manušeski informatcija
  • Tut trubol tut kontolla opral pa čiri manušeski informatcija

Tute si čačimos pe uni zeli te vorton čiri informatcija, te len tele vaj te phanaven. Univar maladol pe ke si tut čačimos te les avri vaj te mušis čiri informatcija aj čačimos te na keren buči lasa.

Tute si čačimos te les informatcija pa savi manušeski informatcija kerde buči aj te les ivja jekh kopia, jekh ram po registratcija, lendar. Te avela ke tu acares ke von phagen o zakono pala GDPR si tu čačimos te vazis tut kaj Datainspektionen.

Ram te les avri registratcija pala o zakono te les sama (dataskyddsförordningen)

Ame či keras buči pa čiri manušeski informatcija ferdi te phenen amenge godo te keras.

Le amensa kontakto te si tut pušimata, vaj kames te zanes variso, var pa amari buci. Te kamesa jekh ram pe registratcija biris te trades li lkaj amaro kontakt manuš po SCB. Na bister te phenes vorta o anav aj kana arakhadilan. Le tu sama šaj avel ke kamen e-legitimatcija te mangesa e ram avri elektroniskt vaj phangli kaj e-azutimos Muri rig. 

Kontakto kaj amaro dataskyddsombud

Telefon: 010-479 40 00
E-pošta: dataskyddsombud@scb.se