SCB:a doajmma

SCB:a statistijkkafábmudahka åvdåsvásstádusáv adná gájkkásasj  statistijkas ja ietjá stáhta statistijkas. Mierkki mij åvdedip, gárvedip ja oabllop statstijkav. Dasi vil aktidip vuogádagáv Svieriga gájkkásasj statistijkav.

Åvdemus dahkamus la vaddet mijá addnijda ja oasstijda mierredibmáj, ságastallamij ja åtsådibmáj. Dahkap dav åvdemusát ráddidusá ja umasslágásj fábmudagáj dahkamusá milta. Miján li aj oasste priváhttá äládusán ja åtsådiddjijn.

SCB:a rahtjá lájddijiddjen tjoakkátjit ja bargadittjat dáhtájt statistijkalasj diededibmáj. Dahkap dav alla vuohkemáhttudagájn, vijdes ássjemáhttudagájn, ådåájggásasj teknijkajn viehkken ja ávkkás vuoghkáj.

Statistijkka la belugahtes, ájnas ja buorre kvalitehtas. Vuododum la diedalasj vuodojda. Doajmmap dunji giehpedittjat gut diedojt vattá ja suoddjip tjoakkidum vuododáhtájt. Aktijbargon ietjádij åvdedip aktisasj statistijkkavuogádagájt, goappátjagá rijkalattjat ja rijkajgasskasattjat.

SCB:a strategiddja strategi

Statistijkka l ájnas oasse demokratiddjan. SCB:a ållit dálásj ja boahtteájge tjårggis statistijka dárbov vuodon váttugis åtsådibmáj, ságastallamij ja märrádussaj. 

Duv vásstádusá li ájnnasaDina svar är viktiga

Oadtjum la gus brevav mijás? Jali dávk littja vajálduhttám ságastimev mijás? Sihtap dávk de galga oassálasstet åtsådimen.

Riŋŋgip ienemusát telefåvnnånummaris 010-479 52 00. Riŋŋgi ruoptus de giehttop ienebuv åtsådime birra.

Duv oassálasstem l ájnas viehkke sebrudahkaj ja demokratiddjaj. SCB:a máhttá duv diedoj diehti dahkat statistijkav alla kvalitehtas, mij iehtjádij siegen aneduvvá vuodon politijkalasj märrádusájda. 

Dån gut oassálastá åtsådimen åvdeda dav vaj duolla sjaddá– dadi ienebu gudi vásstedi dadi buorep. Juohkka válljidum ulmusj la avta ájnas, vájku dån la nuorra jali vuoras, varres jali skipás, jus barga jali ij. Duv vásstádusájt ij máhte lådnot iehtjáda vásstádusáj.

Gå oassálastá åtsådimen de oattjo diehtet

• manen duv vasstádusá li ájnnasa
• gåktu båhtusa aneduvvi
• manen åtsådibme tjadáduvvá
• iesjmiedogis la oassálasstet
• gåktu duv diedo tjoakkeduvvi ja bargaduvvi
• duv diedo suoddjiduvvi sekretässalágas
• gejna galga aktavuodav válldet jus ienebuv sidá diehtet.

Ságastallama máhtti báddiduvvat

Ságastallama máhtti báddiduvvi ja soajttá barggeguojmme gulldal báddidallamin. Ulmijn galggap buorebu sjaddat gatjálvisblankehta dagátjit ja tjadáduvátjit ságastallamijt.

Báddidime sihkoduvvi nieljen vahkon ja suoddjiduvvi almulasjvuohtaprinsihpas- ja sekretässalágas ja EU:a  dáhtasuodjebiejadusás. Diedo duv persåvnålasj ja ekonomalasj vidjurij hárráj sekretessas suoddjiduvvi ja gájkajn gudi barggi åtsådimijn la sjávovälggogisvuohta. 

Ulmusjdiedoj giehtadallam

Dáhtasuodjebiejadus (GDPR) gávnnu suoddjitjit mijá vuodo riektájt ja friddjavuodajt, sierraláhkáj mijá riektá mijá ulmusjdiedoj suodjáj ja gähttjamij.  

SCB:aj GDPR mierkki lasedum rávalvisá mijá ulmusjdiehtogiehtadallamij ja gåktu diededip dan hárráj. Giehtadallap gájkka ulmusjdiedojt anodiddje dáhtásuodjeláhkaásadime milta.

Mij la ulmusjdiehto?

GDPR:a milta de ulmusjdiehto l gájkka diededime mij juogaláhkáj máhttá viesso ulmutjij tjanáduvvat. Dábálasj ulmusjdiedo li ulmasjnummar, namma ja adrässa. Krypteridum diedo ja umassslágásj elektråvnåk identitehta aj riekkniduvvi ulmasjdiedojda gå ulmutjij tjanáduvvi.

Ij la ájnas jus diedoj identifierim la sihkodum, de da huoman riekkniduvvi ulmusjdiehton jus máhtti fysalasj ulmutjij tjanáduvvat ietjá diedoj viehkken.

Ulmusjdiehtoåvdåsvásstediddje

SCB:a l ulmusjdiehtoåvdåsvásstediddje duv ulmusjdiehtoj giehtadallamis. Máhttep aj ulmusjdiehtoviehkediddjen årrot gå gárvedip statistijkav ietjá statistjkkaåvdåsvásstediddje fábmudagá dahkamusá milta. Mijá organisasjåvnnånummar la 202100-0837 ja adrässa l Åkullegatan 14, 701 89 Örebro.

Majt miejnniduvvá giehtadallamijn?

Ulmusjdiedoj giehtadallam mierkki vuojn gájkka majt máhttá ulmusjdiedoj dahkat. Máhttep buojkulvissan tjoagget, registardit, vuorkkit, aktidit jali tjáledit dajt. Giehtadallap duv ulmusjdiedojt gå statistijkav gárvedip, ja ietjá aktavuodajn dujna. gifter dels när vi tar fram statistik, dels vid andra kontakter med dig.

Makkir ulmusjdiedojt giehtadallap duv birra?

SCB:a giehtadallá iehtjádij sigen duv namáv ja duv e-påvsståadressav.

Manen giehtadallap duv ulmusjdiedojt?

Tjoaggep ulmusjdiedojt webbabielijn, buojkulvissan:

• gájkkásasj gatjálvisá
• moattebállásasjdiededimij diŋŋgoma
• mikrodáhtá rávvima.

Aktavuodav váldátjit dujna de iehtjádij siegen giehtadallap duv ulmusjdiedojt. Huomaha dåssjå val guodet diedojt majt åtsådip.

Gut máhttá duv ulmusjsjdiedojt åttjudit?

Vuodon duv ulmusjdiedo giehtadaláduvvi val mijás. Máhtti aj juogeduvvat dåjmadiddjij ma giehtadalli ulmusjsjdiedojt mijá dahkamusá milta ulmusjdiehtoviehkediddjen.

SCB:a l stáhtafábmudahka ja gåbtjåduvvá almulasjvuohtaprinsihpas. Mierkki ássjetjállaga SCB:an, aktan ulmusjdiedoj, máhtti gájkkásasj ássjetjállagin sjaddat ja guodeduvvi gesi dav rávkká.

Ulmusjdiedoj sirddem EU: ålggolij

Vuodonjuolgadussan giehtadallap val duv ulmusjdiedojt EU:an/EES:an.

Man mälggadav vuorkkip duv ulmusjdiedojt?

Mij ep giehtadalá duv ulmusjdiedojt guhkebuttjav gå mij la loabedum lága, biejadusá jali fábmudakmärrádusá milta.

Duv riektá

Dujna li muhtem riektá GDPR:a milta. Oanegisláhkáj mierkkiji

• dån galga diededuvvat goassa ja gåktu duv ulmusjdiedo giehtadalli
• dujna galggá máhttelisvuohta kontrållerit ietjat ulmusjdiedojt.

Dujna l riektá sierra vidjurijn oadtjot ietjat diedojt duollidum, sihkodum jali dahpadum. Dujna l aj sierra vidjurijn riektá diehtet ja sirddet ietjat diedojt ja riektá vuosstálasstet giehtadallamij.

Dujna l riektá diededuvvat makkir ulmusjdiedojt giehtadallap duv birra moattádusáv mávso dagi, nåv gåhtjodum registaroassen, sijás. Jus dån aná mij doadjep GDPR:av de dujna l riektá guodet gujddimusáv Dáhtáinspeksjåvnnåj.

Registaroasse dáhtásuodjebiejadusa milta

Mij ep giehtadalá ulmusjdiedojt automáhtalasj mierredibmáj.

Aktavuodav válde mijájn jus dujna li gatjálvisá, jali vuojno, mijá giehtadallamij duv almasjdiedoj hárráj. Jus sidá registaroasev de mejlli SCB:a aktavuohtaulmutjij. Tjále váttugit ietjat ålles namáv ja ulmusjnummarav. Huomaha dujna hähttu e-legitimasjåvnnå oattjotjit oasev rájadum elektråvnålattjat ja aktidum e-dievnastussaj Mina meddelanden.

Aktavuodav válldet mijá dáhtásuodjeåvdåstiddjijn

Telefåvnnå: 010-479 40 00
E-påvsstå: dataskyddsombud@scb.se