SCB.a doaibma

Statistiikaeiseválddis, SCB.s lea ovddasvástádus almmolaš-  ja iežá stáhtalaš statistiikkas. Mis lea doaibman ovddidit, almmustuhttit ja juohkit statistiikka. Dasa lassin mii ovttastuhttit Ruoŧa almmolaš statistiika vuogádaga.

Min váldedoaibma lea geavaheddjiimet válbmet statistiikka iežaset mearrádusaide, digaštallamiidda ja dutkamiidda. Dan dahkat eanemusat ráđđehusa ja sierra eiseválddiid gohččomušain. Mis leat maid diŋgojeaddjit priváhtta ealáhusain ja dutkiin.

SCB.a háleda leat máilmmi buoremussan čohkket ja hábmet dieđa statisstiikkalaš diehtun. Dan čađahit alla metodačehppodagain, viiddes ámmátmáhtuin, ođđaseamos tekniikkain ja gollojearggalaš vugiin.

Statistiika lea bealátkeahtes, áššáigullevaš ja buriin kvalitehtain. Lea dieđusge vuođđuduvvon dieđalaš duođaštusaide. Mii viggat álkidit dutnje gii guođát dieđuid ja mii suodjalit čohkkejuvvon vuođđodieđuid. Ovttas iežáiguin mii ovddidit oktasaš statistiikavuogádagaid sihke sisriikalaččat ja gaskariikkalaččat.  

SCB.a strategiija

Demokratiijas lea statistiika dehálaš oassin. SCB.a fuolaha otná ja boahtteáiggi dárbbuid luohtihahtti statistiikkas vuođđun lađastallamii,  digaštallamii ja mearrideapmái. Mii válbmet jeavddalaččat máŋggajagáš strategiija iežamet doaimma ovddas. 

Du vástádusat leat deaŧ alaččat

Leatgo mis ožžon reivve? Vai leatgo massán telefovdna-ságastallama minguin? Jos nu de mii leat háledan du oassálastima iskkadeapmái.

Mii dávjá riŋget dán nummaris 010-479 52 00. Riŋges ruovttoluotta de mii eanet čilget iskkadeami birra.

Du oassálastin lea dehálaš veahkkin servvodahkii ja demokratiijai. Du dieđuid vehkiin sáhttá SCB.a buvttadit kvalitehtalaš statistiikka, mii earret iežá adno vuođđun politiikkalaš mearrádusaide. 

Don gii oassálasttát iskkadeamis leat veahkkin dasa ahte šaddá eanet luohtihahtti – mađi eanet geat vástidit dađi buorebut. Juohke válljejuvvon olmmoš lea seamma dehálaš, beroškeahttá jos lea nuorra dahje boaris, dearvvaš dahje skibas, jos bargá dahje ii bargga. Du vástádusaid ii sáhte lonuhit iežá olbmo vástádusaide.

Dallego iskkadeamis oassálasttát oaččut diehtit

• manin du vástádusat leat dehálaččat
• got bohtosat geavahuvvojit
• manin iskkadeapmi čađahuvvo
• oassálastin lea eaktodáhtolaččat
• got du dieđut čohkkejuvvojit ja hábmejuvvojit
• čiegusláhka suodjala du dieđuid
• gean galggat goaktadit jos siđat eanet dieđuid.

Jearahallamat sáhttet báddejuvvot

Jearahallamat sáhttet báddejuvvot ja soaitá leat bargorádna gii guldala jearahallama. Ulbmil lea oažžut buorebut jearaldatskoviid ja vuohkkaset jearahallamiid.

Báddejumit sihkkojuvvojit  njealje vahku geažis ja suodjaluvvojit almmolaš- ja suodjaluslágas ja maid EU dáhtasuodjalanláhkaásahusas. Du iešdieđut ja ekonomalaš dilálašvuohta suodjaluvvo čiegusvuođas ja juohke guorahallan bargis lea jávohisgeatnegasvuohta.

Iešdieđuid gieđahallan

Dáhtasuodjeláhkaásahus (GDPR) galgá suddjet min vuođđuduvvon rivttiid ja friddjavuođaid, eareliiggánit min riekti suddjet min iešdieđuid ja daid bearráigeahččat.

GDPR.a lea SCB.ii lasihan gáibádusaid min iešdieđuid gieđahallamii ja got mii dieđihit daid birra. Mii gieđahallat gait iešdieđuid dihtorsuodjelága mielde.

Mii lea iešdiehtu?

GDPR.a čilgemušas lea iešdiehtu visot dieđut mat sáhttet čadnot ealli olbmui. Dábálaš iešdieđut leat persovdnanummar, namma ja čujuhus. Maid čiegus hábmejuvvon dieđut ja sierralágán elektronalaš identitehtat leat maid iešdiehtun go sáhttet olbmui  čadnot.

Ii ábut vaikko identiteahtta lea sihkkojuvvon, dat lea iešdiehtu jos sáhttá čadnot  olbmui iežá dieđuid vehkiin.

Iešdiehtoovddasvástideaddji

SCB lea iešdiehtoovddasvástideaddji du iešdieđuid gieđahallamis. Mii maid sáhttit leat iešdiehtoveahkkin go válbmet statistiikka iežá eiseváldái mii lea  ovddasvástideaddji eiseváldin. Min organisašuvdnanummar lea 202100-0837 ja čujuhus lea Åkullegatan 14, 701 89 Örebro.

Maid mearkkaša gieđahallan?

Iešdieđuid gieđahallan lea lea meastui visot maid sáhttá dahkat iešdieđuin. Mii sáhttit ovdamearkka dihte čohkket, registreret, seastit, ovttastuhttit dahje čálihit daid. Mii gieđahallat du iešdieđuid dallego čilget statistiikka, ja maid iežá oktavuođaiguin duinna. 

Makkár iešdieđuid mii gieđahallat du birra?

SCB gieđahallá earret iežá du nama ja e-boasta čujuhusa.

Manin gieđahallat du iešdieđuid?

Mii čohkket iešdieđuid webba bakto, earret iežá:

• almmolaš jearaldagat
• ođasreive diŋgomat
• mikrodáhta diŋgomat

Mii gieđahallat du iešdieđuid earret iežá dan dihte vai sáhttit duinna váldit oktavuođa. Fuomit, galggat dušše guođđit dieđuid maid jearrat.

Gii sáhttá oaidnit du iešdieđuid?

Du iešdieđut gieđahallojit dábálaččat dušše mis.Dat sáhttet maid juogaduvvot doaimmaheddjiin geat gieđahallet iešdieđuid min ovttas nugo iešdiehtoveahkkin.

SCB.a, stáhta eiseváldin lea almmolašvuođaprinsihpa hálddus. Dat mearkkaša ahte visot áššebáhpirat SCB luhtte, maid iešdieđut, sáhttet šaddat almmolaš diehtun jus soamis daid sihtá. 

Iešdieđuid sirdin goalmmát riikii

Mii hálddašit du iešdieđuid dábálaččat beare EU/EES siskkobealde.

Man guhká seastit du iešdieđuid?

Mii eat hálddaš du iešdieđuid guhkibut go lea lohpi lágalaččat, láhkaásahusa dahje eiseváldi mearrádusa jelgii.

Du rievttit

Dus leat muhtin rievttit GDPR jelgii. Oanehaččat mearkkaša

• don galggat oažžut dieđu jos ja got du iešdieđut gieđahallojit
• don galggat sáhttit dárkkistit du iešdieđuid

Dus lea riekti oažžut du dieđuid njulgejuvvot, sihkkojuvvot dahje giddejuvvot. Muhtin áššiin dus lea maid riekti váldit eret dieđuid ja sirdit daid ja njuolga vuosttildit gieđahallama.

Dus lea riekti oažžut diehtit makkár iešdieđut mii gieđahallat du birra ja maid ilmmá báborhámis, gohčoduvvon registeroasi. Jos du mielas rihkkut GDPR de dus lea riekti guođđit váidalusa Dáhta-bearráigehččui.

Registtarmielddus dáhtasuodjalanláhkaásahusas

Mii eat gieđahala iešdieđuid automáhtalaš mearrideami dihte.

Váldde oktavuođa minguin jos dus leat jearaldagat, dahje jos leat oainnut min hálddašeamis du iešdieđuin. Jos siđat registtaroasi de maila du SCB oktavuođaolbmái. Leage dárkil ja dieđit dievas nama ja persovdnanummara. Fuomáš dus ferte leat e-legitimašuvdna vai sáhtát oažžut oasi elektronalaččat ja leat čadnon e-bálvalussii “Mu čállosat/Mina meddelanden”.

Váldde oktavuođa min dáhtasuodjalanolbmán

Telefovdna: 010-479 40 00
E-bostta: dataskyddsombud@scb.se